Komunidade Aldeia Kaivaer Suku Vatuboro postu administrativu maubara ejije kompania conjuntu emprezarios mulheres de timor (CETM) projetu dreinagem ponte loes.
Rezidente aldeia kaivaer Francisca Barreto ejije ba kompania konstrutor atu aselera lalais konstrusaun refere tamba kompania sobu tiha dreinnagem tuan, hodi halo konsturasaun foun maibe’e too agora konstrusaun la lao.
“Tenki halo lalais tamba mota nee agora nee bo’ot neebe ami nia uma iha mota ninin depois kompania mai sobu tia bronzo nee se hadia labele labele sobu agora sobu tia lakohi hadia neebe hein deit bee tama neebe bee sobu ami nia uma estadu tangun ka laiha”.
Salvador dos Santos akresenta mos katak durante nee kompania rua maka dudu sai bronzo neebe satan netik mota promete katak fulan neen (6) maibe to’o agora sidauk realiza.
“ durante ami nia preukupasaun liliu maka kompania rua neebe mai sobu hela ami nia brozo no ponte nee tamba dehan fulan neen (6) maibe to’o agora seidauk realiza”.
Xefe aldeia kaivaer Olindo de Asis Soares argumenta bainhira kompania la aselera lalais konstrusaun refere maka bain hira korente mota boot sei fo ameasa ba komunidade sira nia hela fatin.
“ durante nee komunidade rekomenda husi hau hateten liu husi telfni no watchaap no faceboock dehan katak xefi aldeia tenki hateten ba kompania atu nunee hare lalais bronzo nee tamba hare kompania sobu tia agora nonok los deit neebe hanesan autoridade lokal husu ba kompania atu hare lalais bronzo nee”.
Xefe suku vatuboro Julito dos Santos ejije ba kompania atu toma responsabilidade ba obra refere nune’e labele fo ameasa ba komunidade nia vida.
“ hanesan xefi sucu hau nia rekomenda ba governu atu nunee atensaun neebe hala’o servisu tamba ita hare orsamnetu iha kuadru nee mil i tal ba leten tamba ida nee husu ba kompania atu aselera lalais prosetu nee lalais atu nunee ita nia komunidade neebe hela besik iha ponte nee atu garante atu nunee ba futuru labele fo ameasa ba komunidade sira”.
Komunidade uma kain atus ida resin maka hela iha refere,tamba ne’e husu ba kompania no ministerio obras publika atu toma responsabbilidade ba konstrusaun refere.
