Grupu lagoa maubara (LAMBAR) Suku Vatuvou posto administrativu Maubara menus fasilidades hanesan uma toba (Dormitorio) ne’ebé la sufisiente ba vizittantes sira.
Menbru grupu lambar Marcelo dos Santos imforma iha uma toba (Dormitorio) rua ho medida ne’ebé naton labele akumula ema barak nune’e sai problema ba sira.
“Husi NGO balun mai lori ema barak atu mai deskansa iha ne’e maibé fatin atu deskansa ne’e la sufisiente ne’e duni NGO sira la konsege atu deskansa iha ne’e no sira buka fatin seluk”.
Marcelo dos Santos husu ba parte kompetente atu apoiu sira nune’e sira nia aktividade kontinua lao ho diak.
“Ami hakarak rekomenda ba Governu atu aumenta tan uma deskansa iha ami nia fatin ami sei halo proposta ida hodi hatama pedidu ida atu bele apoiu ami atu nune’e bele aumenta tan uma deskansa hodi atrai ema barak hodi mai vizita no deskansa iha ne’e”.
Dadaun ne’e grupu LAMBAR lagoa Maubara iha uma toba rua ho modelu uma tradisional no grupu LAMBAR fo aluga fatin toba loron ida 20 no oras rua ba leten 10.
