Familia uma kain 7 iha aldeia nartutu suku maumeta postu administrativu bazartete munisipio likisa hetan ameasadu husi mota goularloa iha tempu udan.
Komunidade Antonio Nunes dos Santos no Imaculada de Araujo husu ba parte kompetente sira hodi normaliza lalais mota ne’ebe fo amesa ba sira.
“hanesan komunidade sente ladun seguru tamba banhira mota ne’e tun bele fo ameasa ba komunidade nain hira ne’ebé iha ne’e. Sira ne’ebé suru rai henek ne’e labele bou fali iha mota klaran maibe taka husi mota ninin atu nune’e mota tun karik bele tun los tuir nia dalan,
Ami iha area ida nene’e sente triste teb-tebes tamba mota ida ne’e tinan tinan sempre fo ameasa hela deit ami uma kain hirak ne’e, tamba ne’e ami husu ba governu labele tau tempu ne’ebé kleur liu presiza normaliza lalais mota ne’e agora para ami bele sente diak tamba udan quandu makaas ona iha foho konserteza ami iha komunidade ida ne’e sente triste tamba se mota tun ona ne’e ami buka fatin ona tamba ne’e ami nafatin husu ba estadu atu nune’e tau matan ba ami nia mota ida ne’e labele hein maibe tenke urjente”.
Xefe suku Maumeta Vitor da Silva imforma antes ne’e autoridade lokal ho munisipal observa ona fatin refere hodi kanaliza ba iha nasional maibe’e seidauk iha resposta.
“Koalia kona-ba ameasadus mota iha uma kain hira iha ne’eba antes ne’e direktur obras publiku ho adminustrador municipiu tun ba haree maibe atu kanaliza liu ba iha jerasaun kompetente atu haree oinsa atu taka bee ne’e para labele tama ba sira ida ne’e so ig sira mak bele, kompañia metalika halo ona proposta ida no direktur obras publiku mos asina ona maibe to agora rezultadu sidauk iha”.
Tempu hanesan Diretur Servisu Munisipal Obras Publik munisipiu Likisa Flamiro Martins dos Santos rekonese simu duni imformasaun husi komunidade sira no parte obras publik halo ona karta ba iha nasional maibe’e too agora seidauk iha resposta
“ iha fulan sira kotuk liu ba komunidade balun iha uma kian 4 ou 5 sira mai iha ne’e, sira mai informa hela problema ne’ebe mak sira hasoru, alen de problema ne’ebe sira hato’o ami intende hala, maibe kompetensia ami nian ami la iha orsamentu propriu atu halo atendimentu ba ida ne’e, ita so bele informa deit parte ida ne’ebe ita informaba iha ministeiru diresaun manutensaun ponte ninian ne’e ita informa, alen de ida ne’e mos ita halo proposta ba ige para atu mai halo normalizasaun mais infelizmente proposta ne’ebe ami hato’o ne’e seidauk hetan resposta husi parte IGE, ita bele dehan proposta husi munisipiu atraves koinesimentu presidente autoridade nian ita inform aba iha ne’eba kuase dala 2 ona hanesan ne’e mos seidauk iha resposta”
Komunidade sira husu ba governu atu foti medida urgenti ba sira tamba daudaun ne’e udan komesa makas ona no halo sira la tur hakmatek tamba mota ne’e fo ameasa tebes ba sira nia hela fatin
