PNTL Likisa Husu Foin Sae Sira Kria Paz Iha Selebrasaun Natal No Tinan Foun

Komandante PNTL Municipio Likisa husu ba Joventude Municipio Likisa atu hari paz no dame iha ida-idak nia fuan hodi selebra natal ho tinan foun iha situasaun hakmatek.
Komandante PNTL Municipio Likisa Superientedente Polisia Umbelina dos Santos Soares husu ema hotu atu kontribui paz durante Natal ho Tinan Foun.
“Ba Servisu Atendimentu Publiku, ami nafatin mantein ami nia pozisaun hanesan ema Siguransa Jeral ba iha Munisipiu ida ne’e, maibe ami husu katak iha loron hirak ne’ebe maka ita dehan preparasaun ba Natal Tinan Foun sei la iha kazu ruma ne’ebe maka akontese iha Munisipiu Likisa ida ne’e, nafatin husu ita hotu-hotu moris ho hakmatek paz no dame, hodi hein no festeja livre, ami asegura ita boot sira 100% ba iha Komunidade no Sosiedade ida ne’e”.
Komandu PNTL Likisa iha prontidaun asegura situasaun hakmatek iha slebrasaun ne’e.