Sekretario Estadu Peskas halo vizita ba institutu nasional peskas no aquikultura Maubara munsipiu Liquiça hodi hare panel solar ne’ebe governu korea oferese ba inpa.
Sekretario Estadu Peskas Domingos da Conceicão dos Santos hateten, panel solar ne’ebe governu koreanu liu husi koica oferese ba inpa atu grante atividade hakiak ikan nian iha munisipiu liquiça.
“ Lansamentu solar panel ne’ebe maka governu coreia sira ajuda liu hosi koica sira ajuda ida ne’e tamba ahi iha timor-leste lakan mate kuandu ita hakiak ikan tamba ikan sira presiza okxijeniu ne’ebe mak diak para sira bele moris. Enkuantu ahi mate ekipamentus sira la funsiona sei implika ba ikan sira ne’ebe ita hakiak. No atu distribui no bele utiliza”.
Domingos da Conceicão dos Santos hatutan, husi panel solar ne’e bele sustenta produsaun ikan iha kolam laran labele mate.
“ Tamba ne’e maka solar panel ne’ebe oferese hosi governu koreanu liu husi koica hodi bele ajuda no hodi depende sustentabilidade produsaun sira labele mate no labele estraga kuandu ahi mate solar panel ne’e bele funsiona kedas para bele fornese enerjia renovalvel ba ita nia sasan sira ne’ebe maka iha no ba ita nia ikan sira no seluk tan “.
Solar panel ne’ebe governu korea liu husi koica oferese ba inpa ho nia velosidade 44.65 w hodi garante produsaun no bibeirus ikan iha inpa liquiça.
