Eskola Basika Filial 1,2 Ediri Suku Vatuvou Postu Adminnistrativu Maubara Munisipiu Liquiçá Menus Rekursus Hanesan Manorin No Sala De Aula Inklui Kadeira No Mesa La Sufisiente.
Koordenadora Eskola Basika Filial 1,2 Ediri Pasquela Pinto Nunes Hateten, Dadaun Ne’e Eskola Maioria Frofessora Tamba Ne’e Nia Husu Ba Ministériu Edukasaun Atu Aumenta Tan Frofessor Balun Iha Eskola Refere.
“Durante ne’e ami rekomenda hela ba Edukasaun tamba eskola iha Timor ne’e barak entaun sira pasu ba pasu maibé EBF Ediri nia problema maka ne’e ami professor maioria feto mane laiha no mane iha ida maibé professor ne’e moras no nia kondisaun la dun diak entaun nia la tama, ne’ebé ha’u husu maka ne’e karik iha mudansa ba futuru tau tan professor ida tan kona ba hanorin ami senti diak ami bele hanorin ho diak maibé kona ba servisu todan sira iha eskola ne’e ami feto deit ne’e ami labele”.
Koordenadora Eskola Ne’e Hatutan Eskola Simu Estudante Ho Numeru Ne’ebé Bo’ot Maibé Sala De Aula Ho Kadeira No Meza La Sufisiente.
“Reaalidade kadeira no meza mos la to’o tamba alunus aumenta iha tinan kotuk alunus hamutuk atus rua rua nulu resin-ida (221) no agora iha alunus hamutuk Hamutuk Atus Rua Tolu Nulu Resin-Rua (232) signifika aumenta fasilidades no aumenta reursu úmanus”.
Pasquela Pinto Nunes Husu Ba Parte Relevante Sira Atu Konstrui Sala Eskritoriu Ida Ba Ebf Ediri Tamba Durante Ne’e Simu Bainaka Hamrik Deit Iha Liur.
“Ami ejiji nafatin ba Ministériu Edukasaun ho hakraik-an tamba ami professor sala laiha hanesan baibain bainaka sira husi parseiru ka governo no sira seluk mai vizita ami nia fatin pasensia ami hamrik deit iha liur dada lia mos iha liur foti dadus ruma mos hamrik deit iha liur tamba salah eskritoriu ba professor nian laiha ho nune’e ha’u husu ba Ministériu Edukasaun atu solusiona ba ami nia preokupasaun sira ne’e”.
Total Estudante Husi Eskola Ebf 1-2 Ediri Hamutuk Atus Rua Tolu Nulu Resin-Rua (232) Kompostu Husi Mane Nain Atus Ida Rua Nulu Resin-Ida (121) No Feto Nain Atus Ida Sanulu Resin-Ida (111).
