(Liquica). Kurta feira nee vice ministru turismu komercio no industria hasoru malu ho administrador munisipio likisa hodi kolia kona ba kordenasaun servisu entre administrador munisipio ho miniterio turizmu komercio no industria.
Vice ministru mtki domingos lopes antunes hateten enkontru nee atu halo kordenasaun ho administrador munisipio liga ba servisu ministerio turizmu komersio no industria iha munisipio likisa.
“ho ekipa MTKI mai halo enkontru kordenasaun ho administrador kona ba programa mtki nian neebe halo iha likisa no mos kona ba parke industrial ,no negosio sosial no mos programa sira seluk neebe kona ba servisu mtki nian”.
Depois de enkontru vice ministru ho administrador munisipio likisa pedro paulo gomes halo vizita mos ba establesimentu industria sira neebe durante nee hetan apoio husi mtki .
“ami mos ba hare establesimentu sira neebe durante nee mtki apoio hanesan produsaun tais kafe,no industria prosesamentu tasi ben ba be mos .”
Iha vizita nee administrador no vice ministru enkoraja emprejario sira kontinua halo servisu hodi kontribui ba prosesu dezemvolvimento.
Jornalista : Edu Exposto
Editor : Leo Santos
