Asosiasaun mankledu ho grupu firmaburas halo kolleta modo iha suku dato aldeia kamalehohoru postu administrativu likisa munisipiu likisa.
Director asosiasaun mankledu gilberto do rozario dos santos hateten mankledu implementa aktividades tolu maka hanesan rai osan no impresta hortikultura no pekuaria hakiak manu no grupu realiza ona aktividades rua rai osan no impresta hortikultura nebe halo kolleta .
Gilberto do rozario dos santos hatutan aktividades hortikultura nee hahu iha fulan julho no asosiasaun tau nia fasilitador ida hodi bele fasilita membru sira oinsa halo tekniku ba kantadeiru.
Apoiu legal husi gabinete sosiedade sivil laurinda beti leao pinto imforma asosaisaun mankledu hetan fundus orsamentu transferensia publika liu husi kontratu ida husi subensaun publika gabinete apoiu sosiedade sivil husi gabinete primeiro ministru.
Tempo hanesan representante xefe grupo maria celestina da silva hateten durante fulan rua sira sempre servisu hamutuk hodi realiza aktividade hortikultura nee ho susesu.
Total membru grupu firmaburas hamutuk ema nain ruanulu resin-nen enkuantu nain sanulu resin-hat maka envolve iha aktividade hortikultura.
