Universidade nasional timor loronsa’e liu husi fakuldade edukasaun arte no humanidade reliza judisiun ba finalista nain atus ida resin ho grau bacharelatu, iha salaun centru tokodede likisa.
Iha diskursu dekana fakuldade edukasaun arte no humanidade Ana Cristina de Jesus Silveiru husu ba ministerio edukasaun atu kopera nafatin ho untl liu husi fakuldade edukasaun hodi mellora diak liu tan setor edukasaun diak liu ba future.
Dekana nee hateten tinan nee fakuldade edukasaun produs finalista neebe barak tebes kompara ho tinan sira liu ba kotuk.
Tempu hanesan reprezentante finalista Adriano de Oliveira agradese ba oportunidade nee mesmu ho idade neebe avansado ba dadauk maibee bele iha nafatin tempu hodi mellora diak liu tan kualidade edukasaun iha future.
Finalist nain atus ida resin neebe simu judisium iha munisipio likisa, nudar koperasaun neebe ministerio edukasaun liu husi imfordepe halo iha tinan 2018 hodi kapasita professor kontratadu iha area edukasaun.
