Tuir dadus husi sekretariadu tekniku administrasaun eleitoral stae munisipi likisa rejistu eleitor hamutuk 50.911 eleitores entre numeru nee eleitores hamutuk 40.344 maka tuir eleisaun no 10.567 maka la tuir eleisaun.
Diretur Stae Munisipio Likisa Mario Martins hateten esforsu entidade relevante nian establese ona sentru votasaun besik ba komunidade maibee fila ba konsiensia ema ida idak nian oinsa bele partisipa iha eleisaun.
“Esforsu Stae nian establese tan sentru votasaun 16 besik liu ba komunidade ,maibee tamba saida maka sira ba vota,ida nee fila ba ema ida idak nia hanoin.”
Stae hamutuk ho CNE sei nafatin halo edukasaun sivika ba komunidade sira hodi nunee bele hasae taxa partisipasaun eleitor sira iha tempu eleisaun.
“ita tenki halo edukasaun sivika ba sidadaun hotu hotu,tamba sidadaun sira atu mai vota nee fila ba konsiensia sidadaun sira nian ,nia mak senti responsabilidade ba nia an ba nasaun ida nee,ita nia votu maka deside.”
Stae apela ba sidadaun hotu atu partisipa iha festa dekreasia eleisaun,tamba nee importante atu deside future nasaun nian.
