Ministerio Saude Kinta Feira Ne Hamutuk Ho Autoridade Munisipio Liquica Komemora Loron Mundial La Fuma Iha Salaun Vida Diak Aipelu Postu Administrativu Bazartete.
Iha Intervensaun Inistra Saude Odete Maria Freitas Belo Hateten kauja tabaku laos deit ba ema neebe fuma,maibee ba mos ema neebe la fuma.
“tabako ninia problema mak ba ita nia saude ,bainhira ita fuma tabaku laos afeita deit ba ema neebe fuma maibee ba mos sira neebe la fuma, dehan Ministra saude Odete Maria freitas Belo,”
Xefe departementu kontrolu moras la hadaet Heita da Costa Pereira haktuir timor leste kategoria nasaun neebe fuma makaas .
“ ita mos iha nivel asia ita sai hanesan fumador ne’ebe mais alto, iha loron ida ohin hau fiar katak ita hotu iha hanoin ida deit iha koragem ida deit atu fo hanoin nafatin ba ita nia komunidade .”
Sekretario Administrador munisipiom Likisa Antoninho da Silva Pinto garante ho selebrasaun loron mundial la fuma bele redus moras neebe impaktu husi tabaku.
“ timor leste maioria fuma ,I maioria husi joven sira,ita hatene katak impaktu husi tabaku nee iha signifika katak future timor nian iha ameasadu.”
Ministerio saude nafatin alerta ba populasaun hotu atu bele hapara fuma nunee bele redus moras neebe kauja mai husi tabaku.
Iha selebrasaun loron mundial la fuma nee,ministerio saude mos lansa sentru integradu kontrolu moras la hadaet no servisu hapara fuma iha sentru saude likisa.
