Oitavu Governu Konstituisional halo konsultasaun ba Planu Vizaun Estratéjiku dezenvolvimentu 2011-2030 iha Munisipiu Likisa,hamutuk ho autoridade Munisipal no lokal,inklui Sosiedade Sivil sira.
Vise Ministra Solidaridadade Sosial no inkluzaun Signi Verdial, esplik konsultasaun nee halo ba dala rua nian,hodi rona opiniaun ema hotu nian kona ba revizaun planu estratejiku ba 2030.
“Ita nia objetivu lolos prinsipal maka oinsa ita revé fila fali ita nia planu estratéjiku planu 2011-2030, ne’beé konsultasaun primeira halo iha outubru, ida ne’e ba faze daruak nia depois ekipa tekniku husi anapma no mos husi gabineti segundu vise primeiru ministru nia, sentru integradu planeamentu husi planu urbanu nia no mos konsultasaun ida ne’e presiza atu hetan ema hotu-hotu nia hanoin ne’e husi entidades oin-oin hanesan ohin ha’u temi ona iha diskursu para bele inkluiu mos hanoin sira ne’e para ita hadi’a ita nia planu dezenvolvimentu estratéjiku.”
Administrador Munisipiu Likisa Pedro Paulo Gomes hatutan planu estratéjiku 2030 maka atu transforma rendimenru kiik ba rendimentu ne’ebe bot liu tan .
“ita ko’alia kona-ba planu estratéjia 2030 iha vizaun ida ne’e importante ba ita hotu, atu bele hatene vizaun ne’e hatur ona planu katak planu 2030 timorleste ba ona iha nasaun ida ne’ebé rendimentu kiik nia ba nasaun ida ne’ebe rendimentu altu ou diak liu tan ou nia populasaun ne’ebé moris iha sosiadade saude saudabel, edukasaun diak, ambiente ne’e diak moris iha seguru ne’e vizaun estratéjia planu 2011-2030 nia laran, planu ne’e relasiona ho povu nia moris entaun povu ne’e maka inspira nasaun ne’e nia la’o ba oin, se povu labele moris diak wainhia kuandu planu ne’e la konteplar ho inspirasaun povu ninian”.
Konsultasaun ba dala rua ne’e halo hamutuk ho diretores linhas ministeriais autoridade local munisipal postu administrativu sira,sosiedade sivil no veteranus.
