Servisu Bee Timor Leste Empreza Publiku (BTL.EP) munisipiu liquiça rekoinese komunidade barak mak seidauk asesu bee ho diak tamba kontribui husi fator sosial husi konsumidor nian.
Kordenador BTL.EP munisipiu liquiça Jose Rui de Oliveira Pires hateten, BTL.EP rekoinese komunidade barak mak seidauk asesu bee ho diaktamba fator sosial kontribui iha laran.
“hau hanoin btl rekoñese katak iha komunidade barak mak sidauk asesu bee ho didiak maibe ita tenke rekoñese katak baluk asesu bee diak ona. Komunidade balun ne’bé asesu bee diak ona sira tenke kontribui maibe sira ne’ebé sidauk asesu ho diak hau hanoin iha prolema lubuk ida ke kontribui oinsa sira la bele sesu, hanesan ita hotu hatene katak automatikamente kanu to’o uma bee mos tenke to’o ba iha ne’e iha asuntu sosial/ faktor sosial balun kontribui iha laran”.
Jose Rui de Oliveira Pires hatutan, komunidade barak la asesu ba bee mos tamba komunidade la iha konsiensia ba malu.
“ita hanesan humanu ita hakarak hetan bee liu fali ema seluk entaun prejudika ba ita nia maluk seluk labele hetan, iha mos problema klasiku hanesan ema gosta hasai ligasaun no taka ligasaun ema seluk nian, konstrusaun balun ne’ebé mak fo presaun ba ita nia fasilidade liña sira, ezemplu: kanu ne’e iha estreda nia okos balun halo valeta sae tan ba kanu sira iha uma balun ne’ebé harii iha kanu nia leten entaun kanu sira iha okos tersumbat ita atu sobu mais ladiak”.
Servisu Bee Timor Leste Empreza Publiku (BTL.EP) munisipiu liquiça apela ba komunidade sira ne’ebe maka asesu ona bee labele halo ligasaun ilegal hodi difikulta ba komunidade sira seluk.
