Asosiasaun Hak Realiza Workshop

Quinta-Feira Ne’e ONG Hak Realiza Workshop istória Segunda Guerra Mundiál nian kona-ba Jugun Ianfu “eskravidaun seksual” durante okupasaun Militar Japonés iha Timor-Leste ba manorin nain sira iha salaun enkontru administrasaun munisíipiu liquiçá.
Direktór Asosiasaun Hak Feliciano da Costa Araujo explika objetivu workshop ne’ebé hak hala’o atu partilla istória kona-ba asuntu justisa pasadu ba manorin sira.
Direktur Edukasaun Munisípiu Liquiçá Carlos Lopez husu ba hak atu servisu hamutuk ho Ministeriu Edukasaun liu-liu ba iha kurikulu oinsa atu bele enkuadra konteudu istória Segunda Guerra Mundiál nian ba kurikulu, nune’e eskola bele partilla ba estudante sira.
Husi rezultadu peskiza ne’ebé asosiasaun hak halo hamutuk ho ativista solidariedade sira husi Japaun ba Timor-Leste halo ona publikasaun livru rezultadu peskiza ho ninia títulu “ luta ba lia los no justisa”
Enkuantu iha workshop refere asosiasaun hak halo mos distribuisaun livru ba manorin nain tolu nulu husi Ensinu Sekúndariu Jéral, Ensinu Sekúndariu Vokasionál no Ensinu Basiku Central.