Illas Nain Feto Rosariu Vizita Sentru Pastoral Loidahar

Illas Nain Feto Rosariu segunda feira ne’e vizita sarani sira iha Sentru Pastoral Loidahar Suku Loidahar ho prezensa nain feto nian ba sarani sira atu kesi metin liu tan fiar sarani sira nian hodi kontinua halo orasaun no devosaun ba Nai Maromak.
Xefi Sentru Pastoral Dato Foho Luis husu ba sarani sira husi Sentru Pastoral Loidahar atu kuidadu Illas Nain Feto nian ho diak.
Xefi Sentru Pastoral Loidahar Joaquin Barros agradese ba sarani sira husi Sentru Pastoral Dato Foho ne’ebé kuidadu ona Illas Nain Feto ho diak to’o akonpaña mai iha Sentru Pastoral Loidahar.
Alende ne’e Xefi Sentru Pastoral Loidahar husu ba sarani sira iha Suku refere atu halo adorasaun no devosaun ba Nain Feto durante kalan tolu no loron tolu.
Xefi Sentru lori sarani Sentru Pastoral Loidahar hato’o parabéns ba sarani Sentru Pastoral Dato Foho ne’ebé kuidadu ona Illas Nain Feto nian ho diak.
Tuir observasaun Jornalista nian nota katak sarani sira ne’ebé simu Illas Nain Feto nian hanesan estudante sira husi Eskola Basika Filial 1,2 Loidahar ,Seminarista sira husi semema, sarani sira husi sentru lori sarani Sentru Pastoral Loidahar no hetan seguransa maximu husi OPS Suku Loidahar no Grupus Arte Marsiais no Arte Rituais sira.