Negosiante Iha Munisipio Likisa Lamenta Ho Implementasaun Serka Sanitaria Iha Munisipio Dili Difilkulta Ba Sira Atu Lori Sira Nia Produtu Ba Faan Iha Dili.
Tersa Feira16/02/2021 Ohin Iha Merkadu Munisipio Likisa Negosiante Sira Lamenta Tamba Sira Nia Produtu Dodok No Estraga Deit Tamba Ema La Sosa.
“ Ami Nia Sasan Desde Tangal 9 Nee Ami Nia Sasan Estraga Hotu ,Ami Ba Atu Husu Ba Polisia Atu Lori Ami Nia Sasan Ba Faan Iha Dili Mos La Fo Dalan ,Ema Labele Tama Sai.”
Dulcia Bovida Soares Reprezenta Negosiante Sira Husu Ba Governu Atu Fo Espasu Ba Sira Atu Buka Sira Nia Moris Nunee Bele Sustenta Sira Nia Nesesidade Lorloron Nian,Inklui Selu Sira Nia Oan Nia Eskola.
“Agora Hahan Mos Laiha Ami Nia Osan Mos Laiha ,Ami Atu Lori Saida Maka Fo Han Ami Nia Oan Sira .”
Tuir Komunidade Sira Produtu Neebe Sira Fan Sosa Tutan Fali Husi Ema Seluk,Maibee Produtu Neebe Sira Sosa Too Oras Nee Dodok No Estraga Deit,Tamba Nee Negosiante Ejije Ba Governu Atu Buka Meus Hodi Fasilita Sira Bele Halao Sira Nia Negosio Atu Sustenta Ba Nesecidade Familia Nian.
Maioria Negosiante Hirak Nee Kreditu Husi Ngo Tuba Rai Metin No Moris Rasik,Iha Kreditu Kada Semana Tenki Setor.”
Jonalista : Eduardo Exposto
Editor : Leoneto Santos
