MAIORIA KOMUNIDADE IHA MUNICIPIO LIQUIÇA LA KUMPRI REGRAS ETADU EMERGENSIA MAISKE POLICIA RASIK HALA’O ONA SENSIBILIZASAUN BA KOMUNIDADE HODI HALO PREVENSAUN TUIR REGRAS MINISTERIO SAUDE NIAN.
VENDEDORES JACOB FREITAS HO JOSE DA CONCEIÇÃO LOPES HATETEN SIRA KONTINUA HALA’O SIRA NIA AKTIVIDADE NEGOSIO TAMBA SIRA NIA NESESIDADE MAK OBRIGA.
“DURANTE NE’E AMI BUKA MORIS HO FAN IKAN MAIBE MORAS CORONA NE’E IHA NO ESTADO BANDU AMI TU FAN IKAN NE’E AMI NIA MORIS OINSA,AMI MOS FOTI OSAN KREDITO KARIK AMI SULAN DEIT IHA UMA OINSA AMI ATU SELU OSAN KREDITO NO AMI NIA PRESIJA UMA LARAN.”
ADMINISTRADOR MUNICIPIO LIQUIÇA DOMINGOS DA CONCEIÇÃO DOS SANTOS HUSU BA KOMUNIDADE HOTU IHA LIQUIÇA ATU BELE KUMPRI REGRAS ESTADU EMERGENSIA NIAN HODI HADOK AN HUSI COVID-19 NO MORAS HADAET SIRA SELUK.
“UJA NAFATIN MASKRA,FASE LIMAN HO SABAUN LAOS ITA ATU EVITA HUSI MORAS CORONA MAIBE HO MORAS SIRA SELUK TAMBA DURANTE NE’E ITA HALO AKTIVIDADE IHA LIUR ATU BA HAN LA FASE LIMAN BELE HETAN MORAS SIRA SELUK.SAUDE IHA ITA LIMAN RASIK ESTADO HADOMI ITA TAMBA NE’E HALO DEKRETA ESTADO EMERGENSIA NO HUSU NAFATIN BA KOMUNIDADE ATU KUMPRI.”
ENTERTANTU RELASIONA HO REGRAS ESTADU EMERGENSIA BA DALA 9 NE’EBE PRESIDENTE DEKRETA FOIN LALAIS NE’E KOMANDO PNTL MUNICIPIO LIQUIÇA HALA’O ONA AVIZO NO SENSIBILIZASAUN BA KOMUNIDADE ATU UJA MASKRA,, EVITA HALIBUR MALU LIU HUSI EMA NAIN 10,, FASE LIMAN BEBEIK ATU HADOK AN HUSI MORAS COVID-19 MAIBE REALIDADE HATUDU OIN SELUK. KOMUNIDADE MAIORIA LA HALO TUIR REGRAS ESTADU EMERGENSIA NIAN.
TUIR OBSERVASAUN IHA TERENO NOTA KATAK LOJA NO RESTAURANTE BALUN SEIDAUK PREPARA BEE NO SABAUN FASE LIMAN IHA SIRA NIA FATIN.
Jornalista: Enjel Santos
Editor : Leoneto Santos
