Servisu saude Munisipio Likisa hamutuk ho autoridade sira halo advokasia ba programa vasina iha munisipio likisa hamutuk ho autoridade lokal sira inklui diresaun linhas ministerias sira hotu iha likisa.
Administrador Munisipio Likisa Pedro Paulo Gomes husu autoridade lokal sira atu kopera ho servisu saude nian nunee bele divulga imformasaun lolos ba komunidade nunee partisipa iha vasina.
“autoridade lokal sira tenki fo imformasaun lolos ba iha komunidade hodi simu vasina nunee bele hakotu transmisaun covid-19 iha timor leste.”
Administrador mos apela ba lideransa suku sira atu simu vasina nunee sai ezemplu ba populasaun sira hodi partisipa.
Iha enkontru advokasia nee partisipa husi ministru defeza reprezentante husi ministerio saude,administrador munisipio no postu administrativu xefi suku no xefi aldeia sira.