Likisa rkt (13/11/2021) tinan tinan komunidade aldeia pandevou suku Guico Postu Administrativu Maubara sempre hasoru dezastre naturais,tamba nee Administrador Munisipio Likisa hasoru malu ho komunidade sira observa fatin hodi re aloka komunidade sira ba iha fatin seguru.
Iha intervensaun administrador Munisipio Likisa Pedro Paulo Gomes hateten dezemvolvimentu atu lao diak presiza ema hotu tenki moris ho seguru.
“aldeia pandevou nee iha problema ,tamba nee ita mai hare fatin para atu re aloka imi ba iha fatin neebe seguru nunee ema bele hela ho hakmatek halo nia servisu .”
Administrador husu komunidade no autoridade lokal sira servisu hamutuk nunee ema hotu bele hela iha fatin neebe seguru.
“ hau husu ba Xefe suku Xefe Aldeia Veteranu no komunidade sira atu kopera ho administrador hodi servisu hamutuk halo planu ba ema hotu nia diak.”
Xefi suku Guico Liberato Araujo Nunes hateten planu administrador nian nee importante oinsa bele salva komunidade sira husi dezastre naturais ,tanba tinan tinan komunidade sira iha area refere sempre hasoru dezastre naturais.
Komunidade sira agradese tanba tanba autoridade maximu iha munisipio bele hola medida ba sira nia sofrementu liuliu ba dezastre naturais neebe tinan tinan sira sempre hasoru.
Tempu besik servisu terras i propriedade munisipio likisa ho obras publik sei tun ba iha terenu ho komunidade sira hodi sukat rai neebe identifikadu ona hodi re aloka komunidade sira ba iha rai neebe prepara ona.
