Relasiona ho deklarasaun neebe fo sai husi Prezidenti Parlamento Nasional Aniceto Guterres no Deputadu Luis Roberto iha Parlamentu Nasional kona ba deskonfia Xefe Suku Vatubou halo manipulasaun ba osan idozus,no xefe suku sira halo korupsaun.
Liu husi komferensia imprensa kuarta feira nee iha administrasaun munisipio likisa portavos Domingos dos Santos hateten Xefe Suku 23 iha munisipio likisa lamenta ho deklarasaun neebe deputadu sira fo sai .
“ ho stetmentu hirak neebe fo sai maka ami xefe suku 23 iha munisipio likisa lamenta ho stetmentu politiku neebe Prezidente Parlamentu Nasional Aniceto Guterres ,ho Vice Prezidente Parlamentu Nasional Luis Roberto .”
Xefe suku sira husu ba parlamentu nasional atu halo invetigasaun bainhira xefe suku sira komete erru hodi prosesu tuir lei.
Tempu hanesan Xefe Suku Vatubou Gabriela da Costa Pereira Jeronimo klarifika naran idozu nain 2 ho naran Bisoi hotu ,ida husi suku Vatubou no ida husi suku Gugleur no ida suku gugleur hetan nia diretu no ida vatubou lahetan diretu ,parte suku halo ona verfikasaun nota katak idozu nain 2 nia naran no numeru kartaun eleitoral hanesan deit.
“Ho kaju nee ami lori ona sira ba halo verifikasaun iha mssi munisipio no banku ,ba mos too iha nasional too iha neeba dehan katak buat hotu los ona,hau hatene katak pagamentu tuir mai nee sira hetan ona, maibee ikus mai pendente nafatin hau lahatene oinsa , maibe ho fali deklarasaun neebe fo sai iha parlamentu nee hanesan defama fali hau.”
Xefe suku sira husu atu halo invetigasaun bainhira hetan xefe suku sira halo erru ,nunee prosesu tuir dalan legal.
