Autoridade suku ho MA E kuarta-feira ohin hala`o enkontru kona ba atualizasaun dadus familia agregadus ba programa Sesta Basika ba faze daruak nian.
Administrador Munisipiu Pedro Paulo Gomes iha nia intervensaun hateten Xefe suku sira presiza servisu diak hodi halo atualizasaun dadus familia nian tuir dadus anterior ne`ebe elabora ona ba iha Nasional.
“ dadus nee importante tebes,neebe imi tenki fo dadus neebe klaru hanesan ho ida uluk.”
Tekniku baze de Dadus Ministériu Estatal Juliăo Carlos Babo explika bazeia sirkulasaun husi ministériu, Secop ho MTKI sei reajusta fila fali dadus sesta basiku ba tinan 2020 nian hodi halo verikasaun nunee hodi kontinua faze daruak ba programa sesta basika nian.
“ sirkular sai husi secoop no ministerio turismu komersio no industria atu reajusta fali dadus cesta bazika ida 2020 ninian ,tamba tuir ita nia proposta sira ba iha neeba atu halo fali cesta bazika ba faze segundu nian, parese iha fulan oin mai bele prosesa ona sesta bazika ba faze segundo.”
Xefe suku Loidahar Domingos dos Santos sujere ba konpañia ne`ebe toma konta ba distribuisaun sasan la bele halo diskriminasaun ba komunidade sira.
“ita sujere para kompania neebe halo distribuisaun ho pakote neebe hanesan.”
Dadus geral ba familia agregadus ba programa sesta basika ba tinan 2020 nian husi munisipiu likisa hamutuk rihun rua nulu resin ida, atus hat, hat nulu resin nén (21.446).
