Kinta feira nee Ministerio Saude hamutuk ho Autoridade Munisipio Likisa halo inagurasaun ba edifisio izolamentu ida iha Munisipio likisa,Uma refere konstrui husi komapnia Sinizu Unipesoal lda. Ho medida 466,56 m2, kompleta ho kuartu kiik 8 no kuartu bot 6.
Ministra Saude Odete Maria Freitas Belo afirma sala izolamentu nee hare liu ba covid-19,bainhira detekta ema ruma sofre grave ba covid-19 sei halo izolamentu iha fatin neebe ministerio saude prepara ona.
“ hau hakarak deklara iha nee katak ,los duni ita iha izolamentu ba covid-19 ,maibe’e ita hare liu ba covid-19 neebe ho nia komplikasaun bot neebe labele halo tratamentu iha uma,enatun ita lori mai izola iha nee,ao mesmu tempu mediku sira tau matan ba sira.”
Diretor Saude Munisipio likisa hateten uma refere hanesan sala izolamentu ba covid-19,maibee bele utiliza ba halo atendimentu ba moras seluk bainhira detekta numeru as.
“uma ida nee nia naran sala izolamentu covid-19,maibe it abele nakfilak ba situasaun seluk neebe bele akontee iha timor leste liuliu kona ba saude ninian.”
Adjuntu Administrador Munisipio Likisa Antoninho Pinto agardese ba esforsu ministerio saude nian bele hari fatin ida nee proprio ba munisipio likisa.
“ hanesan autoridaqde munisipio lori povu likisa agradese ba ministerio saude bele hari uma ida nee baa mi,nunee bele hakaman servisu saude nian iha likisa.”
Uma refere kompostu ho kuartu 14 ,kompleta ho bee mos eletrisidade ,inklui mos ho kama 24. Orsamentu neebe utiliza ba konstrusaun nee hamutuk dolares amerikanu $. 243,360.08.
