Sabado semana kotuk partido kmanek haburas undade nasional timor oan halo konsolidasaun no fo posse ba estrutura iha nivel munisipio iha salaun sentru tokodede .
Iha deskursu koordenador partido khunto municipio liquica laurindo correia da costa hateten estrutura neebe simu pose hodi fo vitoria ba kandidatu prezidenti republika armanda berta .
“ ami estrutura tomak iha munisipio ida nee ami pronto organiza ,ho fiar metin katak sei lori kandidatu ba vitoria iha eleisaun mai.”
Laurindo correia da costa husu ba strutura nebe simu pose atu responsabiliza fiar neebe iha, tuir estatutu partidu nian.
Presidente partido khunto Armanda Berta dos Santos fiar ho strutura sira bele servisu makas lori susesu iha eleisaun mai.
“ hau fiar katak ho estrutura neebe ohin iha bele halo diak liu tan iha 2023 partidu khunto sei bele aumenta tan kadeira.”
Emposados sira mai husi klibur intelektuais no professionais, juventude no mulher iha nivel municipio, suco to’o aldeia.
