estudante estajiada Nain 4 husi Sentru Formasaun Grace For Development neebe halo sira nia atividade estajiu iha radio Komunidade Tokodede durante Fulan 2 ohin Finaliza sira nia estajiu.
Gestor Racom Tokodede Eduardo Tchea Exposto Husu ba estudante nain 4 a labele lakon Vontade hodi kontinua nafatin Aprende iha fatin neebe deit.
” buat neebe imi aprende iha nee fila ba kontinua nafatin Iha imi nia munisipio no iha neebe deit mak imi hakarak atu aprende ba , labele lakon oportunidade.”
Reprezenta Konsellu Radio Celistiano Xavier agradese ba kontribuisaun Estudante sira nian durante fulan 2 nia lafan Radio tokodede.
Reprezentante Estudante Nelia da Silva soares Agradese ba Ekipa Racom tokodede tamba bele simu no akompaña sira durante fulan 2 nia laran hodi aprende iha Racom.
” hau Reprezenta ami nain 4 hakafak agradese ba Gestor Radio ho nia staff no Voluntario sira neebe durante nee akompaña ona ami hodi aprende buat barak iha Radio , durante nee buat neebe ami aprende iha sentru formasaun Ho teoria ami mai iha nee hasoru ho Pratika.”
Hafoin Remata estajio Radio Tokodede mos Oferese Sertifikadu ba estudante nain 4 nudar rekonesimentu husi Radio Ba sira nia estajio durante nee.
Gestor Racom Tokodede hatutan Radio komunidade Tokodede nafatin odamatan Nakloke ba se se deit mak hakarak aprende iha Radio komunidade.
