Komando PNTL munisipio Likisa apela ba komunidade hotu atu kontribui ba situasaun hakmatek duarnte kampaña eleitoral too ba loron eleisaun nian.
ba dadaun nee PNTL servisu hamutuk ho autoridade lokal sira hodi fo imformasaun ba komunidade sira iha munisipio likisa liga ba asuntu seguransa ninian,apela mos ba komunidade sira atu iha loron eleisaun labele faan tua besik iha fatin votasaun sira.
“ Negosiante sira neebe faan tua iha estrada publiku,no mos sira neebe faan tua besik iha sentru votasaun proivido atu faan tua besik iha sentru votasaun nunee bele garante prosesu votasaun too kontagem votu lao ho susesu.”
Komando mos apela ba juventude hotu no grupo arte marsiais no arte ritual sira atu kria situasaun hakmatek hodi hasoru festa demokrasia tinan nee ho diak.
“ ba juventude hotu inklui grupu arte marsiais no arte ritual sira atu kontribui ba situasaun hakmatek durante kampaña too eleisaun.”
komando pntl sei la tolera sidadaun neebe la kumpri ba regra neebe fo sai maka sei loke investigasaun tuir dalan legal.
