Abertura Jogo Tradisoional

Lansamentu ba jogos tradisoional bola guling ne’ebe mak lokaliza iha Suku Maumeta Posto Admistrativu Bazartete Municipio Likisa.
Iha deskursu koordenador Stan Hadomi Eduardo Menezes Pereira agradese ba estadu tamba bele fo ona lisensa ba Stan Hadomi.
“laiha liafuan barak mak atu hato’o, atu hateten deit katak hanesan responsavel ka koordenador, jogu bola guling stand hadomi iha Likisa atu lori hela hau nia membru sira, lori mos hanesan ema jogador sira hotu ne’ebe hakarak submete iha jogu idane’e, iha Munisipiu Likisa laran tomak liu husi estadu no governu bele fo biban ne’e mai ita maibe liu husi lei ne’ebe iha. Ho lei ne’ebe iha mak oras ne’e ita bele lao tuir maiske dalaruma ita nia maluk barak bele hatete katak ema jogador bola guling ema naokten maibe iha sorin seluk naokten ida ne’e mos lao tuir lei para bele kontribui ba governu ba ita nia estadu. Tamba ne’e mak iha loraik kmanek ida ne’e ita hasoru malu iha fatin ida ne’e hanesan agraesimentu ba ita nia estadu tamba molok atu hetan despaiço ida hanesan agora iha hau nia liman laran hodi kontribui reseitas ba estasdu, hau liu husi prosesu ida ke naruk”.
Eduardo Menezes Pereira hatutan stan hadomi hamrik iha Munisipiu Likisa iha legalidade no fo kontribui ba estadu ho tasa fulan ida ho montante osan rihun tolu atus ida.
“Stand Hadomi hamrik iha rai Likisa iha legalidade, Stand Hadomi mos hakarak kontribui ba ita nia Estadu. Wainhira haun hetan despaiço ida ne’e hau mos halo hela kontribuisaun ba ita nia governu liu husi taxa ho total fulan ida $. 3.100,00. Ida ne’e hanesan taxa ne’ebe Stand Hadomi fo ba estadu para bele loke jogu ida ne’e, hau nafatin agradese maiske ho tempu naruk ikus mai bele iha duni rezultadu. Maiske prejensa nai ulun sira nian la iha tamba okupadu ho servisu, fiar katak xefe Suku nain hira kedas iha ne’e ho OPS Suku, Presidente Joventude reprejenta CCI, hau hanoin katak ita hotu iha ne’e bele sai sasin ba ita nia abertura jogu ida ne’e”.
Iha fatin hanesan xefe Juventude Likisa Laurindo de Jesus dos Santos sente kontente tamba Stand Hadomi bele fo kampo trabalho no mos bele fo kontribuisaun ba Estadu.
“ aumesmu tempu bele fo kampu trabalhu ruma, bele fo kontribuisaun ba Estadu, maibe ita asegura nafatin ita nia jerasaun sira ba futuru, para atu nune’e labele monu ba jogu deit tamba iha fatin-fatin iha jogu manu futu, jogu bola guling ne’e hanesan jogu, importante Estadu mak rekonhese no konsidera ona hetan baze legal jogu ida ne’e ita prontu atu apoiu. ne’e agradese ba ida ne’e hau kontente tamba saida? Iha baze legal ona parte servisu hamutuk entre Autoridade Lokal, Autoridade Munisipiu atu tau seguru ida ne’e”.
Lansamentu ne’e hetan partisipasaun husi autoridade lokal,OPS Suku Maumeta, xefe Juventude, repregentate CCI no komunidade. Stan Hadomi mos fo servisu ba joven hamtuk hat nulu resin neen.