Partidu Fretilin sesta-feira semana ne`e halo kanpaña Presidensial ba tinan 2022 to tinan 2027 iha kampu futebol Munisípiu Likisa.
Direktur kanpaña José Manuel Fernandes (Nakfilak) iha nia intervensaun hateten komprimisiu politiku husi kandidatu Presidente nian maka respeita no kumpre lei sira ho prinsipiu hodi garante estabilidade iha Timor-Leste.
“ Respeita no kumpri kontituisaun lei sira,tamba iha juarmentu nia hateten hakruk ba lei no konstituisaun.”
Sekretariu geral Partidu Fretilin Mari Alkatiri afirma tempo to`o ona hodi fó apoiu ba Lú -Olo tamba nia prontu asumi responsabilidade hanesan presidente hodi bele restaura fali soberania ida tamba nia ukun ona ba tinan lima no hatene konstituisaun lei no politika sira.
“tempu too ona Fretilin atu restaura independesia pasensia demais ona,apoio neebe fo kamarada Lu-Olo atu restaura soberania,tanba nia hatudu ona durante tinan lima nia hatene saida maka kontiuisaun no lei.”
Kandidatu Presidente Partidu Fretilin Fransisco Guterres Lú Olo hateten sei garante normas funsionamentu estadu nian no garante Paz Estabilidade iha Timor-Leste no kumpri Lei no Konstituisaun.
“hau hodi maka Naran Lu-Olo hodi husu ba Likisa oan sira imi prontu ka lae Lu-Olo sai Prezidenti dala ida tan ,hau hakarak promove dialogu entre orgaun estadu no ho se deit,hau prontu.”
Iha kanpaña presidensial ne`e hetan siguransa maximu husi PNTL Munisípiu Likisa,Observa direta husi CNE,no Observador Internasional husi Uniaun Europeia
