familia uma kain 157 iha lepa hetan ajudus husi IFRC- CVTL

Familia uma kain 157 iha aldeia lepa faulara Suku Leotala Postu administrativu Likisa Vila sai benefisiario ba ajudos husi Internatinal federation Red Cross no Cruz Vermelha Timor Leste,ajudus ne’ebe fo bazeia ba dadus asesmentu husi CVTL ba komunidade sira iha tinnan 2021 relasiona ho impaktu covid-19.
Branch kordinator Cruz Vermelha Timor Leste Filial Likisa Cesar da Silva Bruno esplika ajudos ne’e fo bazeia ba dadus asesmentu ne’ebe CVTL halo durante pandemia Covid-19,familia uma kain hirak ne’e nia ekonomia menus afetadu husi Covid-19.
“ dadus ba benefisiario sira ne’e ita halo asesmentu iha tinan kotuk ita identfika tuir nesesidade familia sira nian,ita uja aplikasaun Covo ,husi asesmentu ne’e ita hetan uma kauin 157 maka sai benefisiario ba ajudus ne’e.”
Gestor programa risku dezastre husi CVTL Nasional Denis Gomes hateten ajudus ai han ne’ebe fob a komunidade sira atu rekopera fila fali ekonomia familia nian ne’ebe hetan impaktu husi Covid-19.
“distribuisaun ida ne’e halo hodi rekopera fali ekonomia familia nian bazeia ba asesmentu ne’ebe CVTL halo halai liu ba impkatu ba covid-19,ai han ne’ebe ita lori mai komunidade sira maka eskolla.”
Tempu hanesan benefisrio Monica Berek sente Kontente no agradese ba Cruz Vermelha Timor Leste tamba bele ajuda oferese ona ai han ba sira.
“ ami agradese no kontente,I ami husu obrigado ba Cruz Vermella Timor Leste ba sasan ne’e fo ona mai ami.”
Kada familia ida hetan sasan ho montante dolares amerikanu tolu nulu (30),Sasan ne’ebe distribui ba komunidade sira iha Aldeia Lepa hanesan Fos Mina Masin Manu tolun,Ikan lata ,masin midar no , Xá.