Governo Liu husi Ministerio Turismo Komersio no industria no sekretaria estadu koperativa Kinta feira ohin ofisialmente Lansa Programa Sesta Bazika Faze Daruak nian iha munisipio Likisa.
Iha Intervensaun Ministru Turismu Komersio no Industria hateten Politika Oitavo governo nee halo hodi enkoraja Komunidade agrikultor sira atu hasae Produtividade Aihan iha rai Laran.
“programa cesta Bazika nia objetivu principal maka hakbiit ekonomia nasional liu husi kria merkadu ba produtus agrikula ,indistria manufaktureira istimula sirkulasaun moeda iha rai laran,no haforsa seguransa alimentar iha rai laran.”
Adjunto Administrador Munisipio Likisa Antoninho Da silva Pinto agradese ba Governo Nia politika atu ajuda komunidade nia nesesidade uma laran nian.
“orgulho ho governo ida ne’e ni Intervensaun ba programa sesta bazika hodi rejolve problema lubuk ida ,aken de fo hahan ba inan aman sira ,halo folin mos produtu sira ne’ebe inan aman sira iha.”
Distribuisaun sesta bazika iha suku Dato postu administrative Likisa responsabiliza husi Kompania Roman Brila,produtu ne’ebe akumula iha programa sesta bazika ne’e maioria husi produtu rai laran.
