Autoridade hamutuk ho parseiru desenvolvimentu no komunidade aplika suku ijiene iha suku darulete postu administrativu liquiça villa.
Diretór fundasaun hafoun timor lorosae-fhtl álvaro antonio informa deklarasaun suku ijiene ba komunidade ho programa kona-ba eskada saniamentu ne’ebe ajensia no governu promove komunidade sira hahu iha konsiénsia atu muda sira nia mentalidade ba ambitu ne’ebe saudavel.
“Husi Water Aid apoiu FHTL liu husi material ki’ik sira la signifika apoiu ne’e mai hotu husi agensia Water Aid nia papel maibé hanesan pursentu lima nulu %50 husi komunidade no pursentu lima nulu %50 husi agensia ho intensaun ida katak nu’une’e komunidade bele sai nain ba sasan refere”
Abitante filomena da costa sente kontente no agradese tanba husi ajensia sira nia tulun oras ne’e nia ho familia bele hetan sintina ne’ebe dignu.
“Ha’u kontenti los tamba durante ne’e ami nia sintina laiha maibé agensia sira abele ajuda ituan ona ha’u hodi halo ami nia sintina”
Administrador postu administrativu liquiça villa alberto rosa gomes apela ba kada uma kain atu sai promotor ba moris moos no saudavel hahu husi uma laran.
“sasan ne’ebé maka agora iha utiliza ho diak hodi sai hanesan ema edukador ida iha uma laran tamba saida maka ha’u dehan sai edukudaor ida, atu nu’une’e ita bele eduka ita nia oan sira husi ki’ik hodi aprende ona utiliza no kuida fasilidade hanesan sintina ne’ebé iha ona”
Partisipa iha serimonia ne’e husi autoridade saúde edukasaun no pntl munisípiu liquiça.
