Pré Eskolar Importante Ba Labarik Sira Hodi Hatuur Baze Koñesimentu Molok Tama Iha Nível Ensinu Báziku Primeiru To’o Terseiru Síklu.
Ensinu Pré-Eskolar Winibruma No Siamodo Suku Vatuboro Postu Administrativu Maubara Munisípiu Likisá Sábadu-Fim De Semana Ne’e Realiza Graduasaun Ba Estudante Hamutuk 46 Ne’ebé Remata Ona Estudu Iha Nível Pré-Eskolar.
Reprezentante Diretúr Edukasaun Munisipal Likisá Nazario Campos Hateten Formasaun Iha Nível Pre-Eskolár Importante Tebes Ba Labarik Sira Atu Hatuur Baze Koñesimentu Nune’e La Difikulta Sira Bainhira Hakat Ba Banku Ensinu Báziku Primeiru To’o Terseiru Síklu.
“Estudante Sira Ne’e Iha Diferente Barak Ho Estudante Seluk Tamba Sira Bele Hatene Ona Literasia Hodi Bele Hakerek Letra Ho Numeru No Konzuga Ona Letra Ba Demostrasaun”
Finalista Epifanio Dos Reis Agradese Ba Inan-Aman No Profesór Sira Ne’ebé Apoiu Ona Sira Hodi Remata Iha Nível Pre-Eskolál.
“Ha’u Hodi Kolega Hotu Nia Naran Hato’o Agradese Ba Manorin Hotu Ne’ebé Durante Ne’e Hadomi No Apoiu Ona Ami To’o Ami Hotu Gradua Hodi Hakat Fali Ba Nivel Primaria”
Inan-Aman Júlio Marito Dos Santos Apresia Ba Dedikasaun Tomak Husi Manorin Na’in Sira Tanba Durante Tinan Rua Nia Laran Bele Forma Ona Karakter No Mentalidade Labarik Sira Nian Iha Mundu Edukasaun.
“Ami Inan Aman Kontenti No Apresia Ba Manorin Hotu Nia Dedikasaun Tomak Ba Ami Nia Oan Sira To’o Sira Realiza Sira Nia Graduasaun Ida Ne’e Ho Diak”
Finalistas Na’in 46 Kompostu Na’in 28 Husi Pré-Eskolár Siamodo No Na’in 18 Husi Pre-Eskolár Winibruma.
