Reperezentante secretario estado juventudi desportu (sejd) postu administrativu bazartete realiza jogu futsal iha eskola sekundaria tekniku vokasional liquiça.
Presisdente komisaun jogu futsal julio alves dos santos hateten, jogu komunitaria nia objetivu maka atu hasa’e talentu joven nian no hado,ok joven sira husi konflitu.
“ jogu komunitario nia objetivu oinsa atu prepara joven ida ne’ebe mak iha talentu kreativu, inovativu, iha prosesu hirak ne’ebe mak agora ita hala’o hela husi setores bar-barak bele halo mais iha setores liga ba iha joventude nian ne’e ita hare lentu la halimar, tamba ne’e mak objetivu ba jogu ida ne’e ita aloka ba iha jogu sira ne’ebe mak durante ne’e ladun famoju iha ita nia munisipiu, futebol ne’e ita halo mais futsal ita koko atu nune’e bele hamosu tok talent ne’e iha joven sira atu nune’e it abele fo motivasaun, ita bele fo koragen ba sira katak jogu ida ne’e nia benefisiu oinsa liu husi jogu ne’e sira bele hametin sira nia amizade, sira faternidade atu nune’e ita bele hases an husi konflitu, bai-bain ema dehan joven ne’e maka autor ba iha konflitu mais atraves de jogu sira ne’e, liuliu nia kontextu ida jogu komunitario signifika katak ita halibur komunidade sira atu tama fali ba iha jogu hodi nune’e sira bele so’e ona sira nia kakutak konflitu nian”.
Julio alves dos santos hatutan, jogu futsal ne’ebe realiza iha eskola secundaria tekniku vokasinal ne’e hetan linha kordenasaun ho eskoal.
“ klaru ke alokadu ba iha jogu komunitario ba iha postu bazartete, ita la involve ba iha postu liquiça no postu maubara, ita sei hahu jogu ne’e tamba ita iha ona linha kordenasaun ho eskola ita utiliza fasilidades eskola nian, ninia tempu prosesu aprendisagen ne’e la’o hahu husi segunda to’o sexta dader no lokraik, ita sei hala’o fali jogu iha sabado, dader, lokraik no domingu,dader no lokraik”.
Entretantu;
Jogu futsal ne’ebe realiza iha eskola sekundario tekniku vokasional hamutuk ekipa 13 maka parsipa iha jogu refere.
