Sekretario estadu politika formasaun profional nop empregu (SEPFOPE) lansa programa yes projetc ou estagio ba foin sa’e iha sentru juventude munsipiu liquiça.
Representante sepfope paulo alves esplika, programa yes ne’e fasilita ba foin sa’e sira ne’ebe remata ona sira nia estudu iha universidade.
“ Progarama ne’e sira bolu dehan programa YES ita servisu hamutuk ho UNDP ne’ebe mak finansia husi KOICA hodi fasilita programa estagiu foin sae sira liu-liu sira ne’ebe hetan ona graduasaun ona iha universidade, programa ne’e rasik tama ona ba programa dala hat ninian, ohin ita halo lansamentu iha munisipiu liquiça ba ema hamutuk 29 inklui Baukau ninian tamba Baukau nian ita hala’o iha dia 18 mai ne’e ohin ita asina ho benefisiariu sira ne’ebe mak sei estagiu iha munisipiu Liquiça no Ermera”.
Programa ne’e hanesan politika governu hodi kria kampu servisu hodi reduz taxa dezempregu ne’ebe timor-leste infrenta hela.
“ Programa estagiu 29 ne’ebe mak halo iha Liquiça no Ermera ne’e iha agente promotora hamutuk 7, 2 husi Ermera no 5 husi Liquiça, objetivu husi programa ita servisu hamutuk ho UNDP ne’e atu lori ita nia alin juventude sir aba iha industria para gania esperiensia industria ninia atu nune’e aban bainrua sira detrmina karik I industria hare katak sira prestasaun servisu diak bele fo empregu permanente ba sira, ida ne’e hanesan politika ida ne’ebe mak ita opta atu kontribui ba kriasaun kampu servisu hodi reduz taxa dezenpregu ne’ebe mak ita nia rain dadauk ne’e infrenta tamba ne’e maka programa estagio nasional ne’e sai hanesan programa prioridade govrnu ninian”.
Total Benefisiario hamutuk ruanulu resin sia (29) hala’o sira nia estagio iha munisipiu liquça no ermera.
