Fundasaun hafoun timor loros’e (F-HTL) realiza treinamentu no sosializa informasaun kona ba importansia gedsi no mudansa klimátika iha besi aktividade ne’e hala’o iha salaun administrasaun munisipiu liquiça.
Direktor Fundasaun Hafoun Timor Lorosa’e Alvaro Antonio Alves hateten, objetivu ba treinamentu ida ne’e oinsa atu fahe esperiensia hodi integra GEDSI no mudansa klimátika iha BESI.
“ Ita hamutuk atu integra GEDSI no mudansa klimátika ba programa BESI ita hanoin GEDSI no mudansa klimátika ita iha ona faze ida ke naruk hodi hare hela ba programa bai-loron naruk nian, entaun ho biban ida ne’e ita sei fahe lisaun hamutuk ho aprezentasaun oinsa bele integra ita nia programa GEDSI no mudansa klimátika ba iha Bee saneamentu higene”.
Alen de mos Administrador Munisipiu Liquiça Pedro Paul Gomes hatutan atu redus mudansa klimatika presiza ema hotu tau hanoin hamutuk atu proteze ambiente diak no seguru.
“ Objetivu partisipasaun lubuk ida iha ne’e atu iha planu diak oinsa para bele preparasaun ba iha mudansa klimátika liga ba iha ita nia moris lor-loron, tamba mundu globa, mundu ho ambiente ida ne’ebe ke iha poluisaun makas, entaun ita koalia kona ba bee saneamentu liga ba ambiente ita mos tenke kuda ai observa ai sira iha bee matan para bee ne’e tenke hela bee ne’e tenke metin, nafatin konservasaun ne’ebe agora liga ba florestal nian ne’e mak iha kutulau, iha metagou, iha ;bazartete, entaun ligadu ho xefe suku sira iha area ne’eba importante atu koalia ba ita nia komunidade sira labele tesi ai arbiru”.
Administrador apela ba ema hotu atu kuda aihoris barak no konserva bee.
