Iha diskursu autoridade lokal ba serimonia abertura kursu bacharelatu ba professores iha ebc 1,2,3 liquiça edukasaun sai hanesan setor inportante ba dezenvolvimentu.
Adjuntu Administrador munisípiu liquiçá Antoninho da Silva Pinto hateten, komponente no xave iha setor edukasaun mak manorin sira.
“ Hanesan ita hotu-hotu hatene Edukasaun setor ida inportante no pernente teb-tebes ba nasaun ida iha mundu, kualker nasaun tenke iha Edukasaun tamba sa mak tenke iha Edukasaun, tamba Edukasaun maka produz rekursu umanu kualifikadu sira atu kontribui ba setor sira seluk nia dezenvolvimentu, portantu setor sira seluk atu halo servisu ho diak xave ida maka setor Edukasaun atu Edukasaun halo nia kna’ar ho funsaun ho didiak nia komponente sira tenke kompletu, komponente xave ida iha setor Edukasaun maka manorin sira”.
Antoninho da Silva Pinto hatutan, manorin ne’ebe hala’o nia kna’ar ho diak tenke domina kompeténsia ne’ebe ezize husi sistema edukativu nian.
“ Manorin ida atu hala’o nia kna’ar ho didiak nia tenke domina kompetensia ne’ebe maka ezize husi sistema edukativu ne’e rasik, kompetensia 4 ne’ebe mak ezize, dominiu da lingua, kompetensia profisional koinesimentu ba material ne’ebe maka atu hanorin, asuntu pedagozia, etika profisional liu-liu mak area ida ne’ebe liga ba atu hanorin ne’e ema hotu la bele halo ema hotu bele matenek maibe atu hanorin ne’e la fasil ida kestaun pedagozia so ita aprende husi nia sistema rasik”.
Iha serimonia ne’e patisipa maximu husi presidente INFORDEPE, reitor UNTL, autoridade lokal, diretores eskola EBC no professores EBC sira.
