Professores atus ida tolu (103) iha munisipiu liquiça tuir kursu bacharelatu iha universidade nasional timor lorosa’e durante tinan tolu (3)
Professor Ezacob de Jesus Pereira agradese ba ministeirun edukasaun, ministeiru ensinu superior arte no kultura, infordepe no untl ne’ebe servisu hamutuk hodi realiza programa kursu bacharelatu ba sira.
“ Primeiru agraese ba parte 4 ne’ebe servisu hamurtuk hodi nune’e bele realiza kursu ou formasaun ba bacharelatu ninian ne’ebe primeiru agradese ba iha Ministeiru Edukasaun, segundu ba Ministeiru Edukasaun Ensinu Superior Arte no Kultura ninian agradese mos ba iha INFORDEPE nune’e mos ba iha UNTL nune’e maka bele servisu hamutuk hodi realiza programa ba kursu bacharelatu nian ida ne’ebe durante tinan 3 ninian”.
Iha sorin seluk reitor universidade nasional timor lorosa’e (UNTL) João Martins husu ba formandu sira atu aproveita diak tempu hodi ba aprende ho manorin sira husi untl no infordepe.
“ Mensagen principal ba formandu sira maka sira tenke aproveita tempu, aprende diak liu tan ho ita nia profesores sira husi UNTL no INFORDEPE i labele haluha katak sira iha kna’ar atu hanorin estudante sira kontinua i sira mos aproveita estuda nafatin”.
Secretario Munisípiu Liquiçá Antoninho da Silva Pinto husu ba formandu sira ne’ebe hetan oportunidade atu aproveita Tempu ne’e hodi sai manorin ne’ebe ideal ba munisípiu liquiçá.
“ Husu ba ita bo’ot sira ne’ebe mak sei partisipa iha kursu ida ne’e partisipa ho didiak tamba ne’e oportunidade brilante portantu ida ne’e kursu ba tinan 3 aproveita didiak tinan 3 ne’e ita bo’ot sira sei aprende buat barak para depois sai mai ita bo’ot sira iha ona kompetensia 4 ne’ebe ezize husi ita nia Ministeiru Edukasaun ida ne’e karik kompletu ona ita bo’ot sira hau fiar sei sai manorin ida ideal iha Timor-leste no iha munisipiu Liquiça, ikus liu hamutuk ida dezenvolve Liquiça no dezenvolve Timor-Leste liu husi Edukasaun ida kualidade”.
Professores sira ne’ebe partisipa iha kursu bacharelatu ne’e hamutuk atus ida tolu (103) inklui professores sira husi eskola ebc sira iha munisípiu liquiçá.
