Kandidatu xefe suku metagou postu administrativu bazartete munisipio likisa Eduardo dos santos Goncalves garante katak sei lidera iha eleisaun suku ne’ebe sei hala’o iha loron 28 fulan outubru tinan ne’e.
Hafoin aprezenta kandidatura ba meza eleitoral iha sede suku metagou sesta feira ne’e hateten,nu’dar sidadaun ne’ebe atinji ona tinan 17 ba leten iha diretu atu ema hili nia no diretu atu nia hili ema ida.
“ Hanesan juventude ida ne’ebe mak atinji ona tinan 17 anos ba leten, ne’ebe maka fo sai ona iha lei inan artigu 47 ne’ebe koalia kona ba Direitu Sufragio iha ne’eba alinha 1 koalia kona ba sidadaun ne’ebe mak kompleta ona tinan 17 anos nia iha direitu atu ema hili nia no mos nia hili ema, entaun husi ne’e maka sai mutivu ba hanesan juventudi atu kompleta iha eleisaun suku ida ne’e, rajaun segundu maka hanesan juventude nia prezensa la hamosu kompetisaun ho adversariu sira”.
Eduardo garante iha eleisaun suku periodu ida ne’e nia sei lidera iha suku metagou.
“ Prezensa juventude nian mai ho vontade no mai ho programa ita garante katak juventude maka sei lidera iha ne’e, iha parte seluk juventude mos sei la iha tan duvida seluk katak iha ne’eba ita bele pasa ou la pasa, maibe ho hanoin ida hanesan juventude ita garantia katak ita bele lidera iha periode ida ne’e nian”.
Suku metagou kompostu husi aldeia tolu hanesan kaileulema ,asorlema, no metiluli.
