Organizasaun grupu feto foinsa’e timor lorosa’e (gfftl) realiza programa selebrasaun loron 16 ba ativista kontra violensia hasoru feto no labarik no loron mundial ema ho difisiensia iha aldeia neran, suku ulmera, postu administrativu bazartete munisipiu liquiça.
Diretora grupu feto foinsa’e timor lorosa’e (gfftl) esmenia laura ximenes hateten, objetivu ba aktividade ida ne’e hodi sosializa informasaun ba komunidade sira hodi hasa’e sira nia konsiensia hodi minimiza aktu violensia kontra feto ho labarik no ema ho difiensia.
“Diak objetivu husi selebrasaun ba aktividade ohin mak primeiru ita atu sosializa no dezamina informasaun ba ita nia komunidade sira kona-ba kampaña loron ativismu kontra violensia bazeia ba jeneru hasoru feto no labarik ida mos kona-ba loron mundial ba ho difisensia ninian objetivu segundu maka atu fahe informasaun ba ita nia komunidade sira oinsa atu hasa’e sira nia konsiensia sira nia koinessementu sira hodi redus ka minimiza sira nia aktu violentu sira ne’ebé mak durante ne’e sira halo hasoru ita nia feto labarik sira inklui ita nia maluk sira ne’ebé ho kondisaun difisiensia.
Esmenia laura ximenes hatuta, bele muda komunidade sira nia hanoin hodi tau konsiderasaun ba feto ho labarik no ema ho difisiensia.
“liu husi selebrasaun aktividade sira hanesan ohin oinsa atu bele muda mos mentalidade no pensamentu komunidade sira nian ne’ebé mak sempre tau konsiderasaun ba feto, labarik no ema ho difisiensia. Iha parte segundu ka parte kotuk liu tamba konside katak feto sira iha kbiit no forsa ne’ebé mak lato’o, ema ho difisiensia ne’ebé mak ho kondisaun ladun diak para bele partesipa iha aktividade oioin entaun liu husi aktividade sira ne’e konsiderasaun sira husi familia, konsiderasaun husi sosiedade no moskomunidade ba iha ita nia feto maluk sira labaraik sira no ba ema hodifisiensia.
Programa selebrasaun loron 16 ba ativista kontra violensia hasoru feto no labarik no loron mundial ema ho difisiensia organizasaun feto foinsa’e timor lorosa’e servisu hamutuk ho pontu fokal sei munisipiu liquiça no hetan apoiu fundus husi wateraid.
