Aplikante 2567 husi munisipiu liquiça liu iha aplikasaun online australia nian ne’ebe aplika iha fulan marsu 2023.
Diretora Sefope munisipiu Lliquiça Lucia Correia hateten, data ba teste nian hein desizaun husi sefope nasional.
“sira ne’e mak sei tuir teste iha tempu badak tuir mai ne’ebé data fiksu sidauk iha tamba teste ne’e sei serentan iha munisipiu hot-hotu entaun hein nasional m ai ami sei hamutuk halo enkontru hodi prepara deside data no fatin nune’e depois de data fiksu ona mak ami foin bele fo sai avisu ba iha publiku”.
Lucia Coreia husu ba aplikante sira ne’ebe liu iha aplikasaun online ne’e prepara an hodi kontinua ba teste eskrita ho oral nian.
“hau nia mensagem ba alin joven sira iha munisipiu likisa ba hirak ne’ebé mak agora dadauk naran sai iha vaga ne’e prepara aan ba tamba ita boot sira sei liu husi eskritamak foin ba iha intervew nune’e husu ba sira atu prepara sira nia aan atu nune’e labele lakon oportunidade diak ida ne’e, espera katak 2000 resin ida nene’e barak sei liu vaga ida ne’e”.
Total aplikante ne’ebe liu iha aplikasaun online australia nian hamutuk 2567, mane 1548 no feto 1019.
