Direktor ESGP liquiça preokupa ho farda eskola.

Direktor eskola sekundariu geral publiku numeru no 1 liquiçá peokupa ho farda eskola tamba ne’e nia parte husu ba ministeriu edukasaun atu solusiona ba preokupassaun eskola nian nune bele uniformaliza estudante sira.
Direktor eskola sekundariu geral publiku numeru no 1 liquiçá januario dos santos barreto hateten eskola preokupa ho orientasaun husi edukasaun ne’ebé tinan kotuk hapara farda ba estudante sira.
“eskola hasoru preokupasaun bo’ot maka hetan orientasaun lei mai ne’e oi-oin hanesan kalan toba mehi aban hader mai halo lei kedas ne’ebé implementa lei lahatene no la ba hare iha terenu hodi hatene situasaun iha terenu ne’e oinsa eru no problema ida mak ne’e tinan uluk governu hapara tiha farda estudante sira laiha farda agora mos farda la iha governu mak selu hodi sosa farda ka inan aman sira mak sosa atu deklara lalais atu inisiu de aprendijagem ne’e la’o profesores sira labele falla se farda laiha mak eskola sei sai sabraut”.
Direktor eskola sekundariu geral publiku numeru no 1 liquiçá husu ba ministeriu edukasaun atu solusiona ba preokupasaun ne’ebé estudante sira enfrenta nune’e estudante sira uniforme iha situasaun aprendijajem.
“Tamba ne’e husu ba Ministeriu Edukasaun atu foti desizaun ba farda ne’e para inan aman mak sosa ka Ministeriu Mdukasaun mak produs ka oinsa atu atende ba situasaun disiplina primeiru tenke uniforme disiplina halo regras atu hatene kondisaun sira atu ema ne’e ida deit lei ne’e primeiru mak tenke uniforme estudante sira tenke uniforme para ita bele halo lei sira seluk atu bele regula estudante sira kondisaun eskola bele la’o ho diak no estudante sira bele mai ho ambiente ne’ebé saudavél”.
Eskola sekundariu geral numeru 1 liquiçá Hahu husi tinan 2023 to’o ohin loron laiha farda uniforme ba estudante sira.