aldeia mota ikun komposto husi bairu tolu hanesan balanda laran retgoan no tanlaran dadaun nee hetan bee mos neebe apoio husi diresaun servisu agua i saneamentu neebe apoio perfurasaun bee mos ba komunidade iha aldeia nee maibee too oras nee bairu rua deit maka asesu ba bee mos nee no bairu ida la asesu.
Chefi aldeia mota ikun Fransisco Correia iha nia residensia aldeia mota ikun informa katak komunidade sira ladun asesu bee mos tamba bonba nebee uja hodi fornese bee ba komunidade sira sempre at hodi fo impaktu ba komunidade sira la hetan bee mos.
Bairu rua neebe dadaun nee hetan bee maka bairu retgoan ho balanda laran, no bairu tanlaran seidauk hetan bee mos.
Chefi aldeia ne’e hatutan katak programa pnds nian atu halo perfurasaun tan bee iha aldeia nee maibee ate agora seidauk iha implementasaun.
Representante komunidade agosto de jesus informa katak komunidade balun oras nee kontinua sosa bee husi kompania, kada tanke ida sosa ho osan $.3.
Entretantu too imformasaun nee fo sai radio comunidade tokodede seidauk hetan komfirmasaun husi diresaun servisu agua i saneamentu munisispio likisa
