Autoridade local suku hatukesi husu komunidade sira iha suku hatukesi atu hari sintina iha kada uma kain ida idak ,bbainhira la halo maka autoridade local sei foti medida no fo sansaun.
Xefe suku hatukesi rosaaario dos Santos hatoo lia hira hirak nee iha serimonia tara bandu iha suku hatukesi sesta feira nee.
“ tara bandu mos ba ema sira ne’ebe lakoi halo sintina,ida ne’e ami luta makas los tamba ne’e ema sira neebe uja sintina manual ka uja hela rai kuak tenki halo sintina,durante ami luta makas los maibee komunidade balu lakoi halo sintina.”
Rosario dos Santos hateten hafoin tara bandu autoridade local sira sei tama sai uma hodi hodi kontrola komunidade sira neebe hari ona sintina no sira neebe la hari maka sei fo sansaun.
“ami hakarak hatete katak se maka lakoi halo sintina ami foti hela nia naran iha lista bainhira osan subsidiu 200 dolar ho sasan Sesta Bazika ami sei la fo .”
Administrador postu administrative likisa vila Albertto rosa gomes hateten suku 5 iha postu likisa vila oras nee iha hela faze verifikasaun hodi hakat ba deklara alfa.
“ Saneamentu baziku ,agora dadauk ita lao hela ba suku lima iha postu likisa hodi prepara ba deklara alfa ,suku rua seluk loidahar ho asumanu deklara ona suku hygiene. Agora ita esforsu hela ba suku lima seluk.”
Hari sintina nee importante ba ema hotu atu hadok an husi moraas oioin neebe akontese iha rai laran.
