Bazeia ba dekretu lei numeru 3/2016 marsu artigu 13 koalia kona ba kompetensia sira iha area merkadu no turismu tamba ne`e administrasaun munisípiu likisa liu husi diresaun servisu munisipal jesstaun merkadu no turismu estabelese regulamentu merkadu ba negosiante sira iha merkadu munisipal likisa.
Direktur gestaun merkadu munisípiu likisa josé manuel goncalves imforma bazeia ba dekretu lei numeru 3/2016 marsu artigu 13 iha lei ne`e atribui mai diresaun relevante hodi koalia kona ba pontus hat hanesan hari merkadu hadia merkadu konserva merkadu no gere merkadu.
“iha ne’e ha’u hakarak fo hatene ba ita boot sira, oitavu governu konstituisional atribui kompetensia mai munisipiu iha teritoriu tomak iha timor-leste liu-liu liquiça tutela mai diresaun merkadau turismu bazeia ba lei ida numeru 3/2016 artigu 3, ida ne’e atribui mai diresaun relevante iha pontus haat maka iha ne’ebá ko’alia , ida harí merkadu, rua hadi’a merkadu, tolu konserva merkadu, haat gere merkadu, husi pontus haat ne’e bazeia ba lei numeru 3, diresaun gestaun merkadu hare ba lei ida ne’e halo ona regras bazeia ba lei ida ne’e atu ita hotu-hotu banati tuir lei hirak ne’e, ha’u hanoin ita hotu-hotu tenkeser kumpri. Ha’u hanoin ita hotu-hotu hasoru malu bei-beik no ha’u ho administrador ho ekipa tomak sempre mai halo argumentus barak hasoru ita boot sita no ita boot sira mos halo argumentus barak hasoru estadu, maibe buat sira ne’e la problema ne’e kestaun atu dezenvolve rai ida ne’e liliu munisipiu liquiça tenke hasoru situsaun sira hanesan ne’e. Ha’u sente katak situasaun sira ne’ebé ita hasoru ita liquiça bele hateten katak laiha ema seluk la iha leet ita hotu mesak familia de’it”.
Wainhiranegosiante ida halo gestaun no gere diak merkadu refere maka ekonomia negosiante sira nian sempre diak haktuir josé manuel da silva.
“ha’u hanoin katak kuandu merkadu ne’e ita boot sira halo gestaun di’ak , imi gere merkadu ne’e didi’ak ekonomia ita bbot sira nia sempre di’ak, agora labele hanesan loron hirak liu ba iha facebook barak ne’ebé ami hasoru imbox hateten ami nia sasan barak kuaze iha laran ema la sosa, fatin ne’ebé governu sira atribui ona ba ita boot sira iha fulan hirak liu ba atu besik tama ona ba tinan iuda ne’e ita boot sira tenke la’o tuir ida ne’e, tamba buat ida bisnis ne’e negosiu ne’e la presiza dehan hau nia iha estrada ibun maka ema sosa lae, negosiu ne’e fila ba ema idak-idak ninia atendementu, ema ida-idak nia mekanismu oinsa atu bele obriga ema komprador sira besik mai”.
Tempo hanesan representante administrador munisípiu likisa antoninho da silva pinto afirma atu servisu merkadu lao diak presija regulamentu atu regula ita nune`e bele ajuda negosiante sira halo sirkulasaun ekonomia iha rai laran.
“iha munisipoiu iha diresaun ida servisu foka ba asuntu merkadu ninian maka ohin direktor ko’alia ne’e konaba gestaun merkadu no turismu, ni sira sei halo servisu haat ne’ebe maka temi tiha ona no sei ajuda ita boot sira no ita hotu atu reguulariza ita nia merkadu atu bele kontribui ba dezenvolvimentu, tamba setor dezemvolvimentu ne’e iha importante 3, ida maka setor públiku estadu investe para halo pozetu sira husi estadu, rua kooperativa, tolu maka setor privadu inklui negosiante sira hotu, uita hotu nia kontribuisaun maka sei lori nasaun ne’e ba atinji mehi ida ba libertasaun do povu, ne’ebe ida-idak nia esforsu inan aman sira fa’an modo, fa’an sasan ida ne’e halo sirkulasaun ba iha ekonomia rai laran ne’e mos kontribui ba dezenvolvimentu nasaun nia”.
