Paulina de Jesus Pereira husi suku fatumasi aldeia metir foti inisiativa hodi kandidata an ba sefe suku fatumasi .
Paulina hateten durante ne’e nia hola parte iha formasaun oioin kona ba oinsa feto bele sai lideransa,ho ida ne’e motiva nia hodi kandidata ba sefe suku.
“ Iha inisiu hau hanesan mos delegada iha ne’eba hau mos tuir formasaun barak kona ba oinsa feto atu sai lideransa ho formasaun sira ne’e hotu motiva hau, iha eleisaun suku ida ne’e hau mos hakarak avansa hanesan kandidata ba iha sefe suku, hau nia vizaun mai hamutuk ho komunidade sira atu kolabora servisu hotu-hotu iha aspetu sosial, aspetu ekonomia iha suku laran, hau nia misaun atu servi RDTL, atu servi komunidade hanesan haburas suku liu husi organizasaun, moblizasaun no buka solusaun ba ekonomia komunidade”.
Hanesan feto Paulina garantia katak ho apoio husi feto no komunidade sira iha fatumasi nia sei manan iha eleisaun suku periodu ida ne’e ba oin.
“ Hau garantia katak feto mos bele, ida ne’e maka fo garantia ba hau nia an katak hau mos bele avansa iha tinan ida ne’e sai hanesan sefe suku lideransa feto ida iha suku fatumasi, ho sira nia apoiu maka halo hau avansa, maluk feto sira nia apoiu, labarik feto sira nia apoiu, no maluk mane sira nia apoiu ba hau hodi kandidata an”.
Paulina husu komunidade hotu atu partisipa iha eleisaun suku ne’ebe sei halo iha loron 28 fulan outubru tinan ne’e.
