Polisia Nasional Timor Leste liu husi Komando Munisipio Likisa kontinua asegura movimentu ilegal iha area Tibar ,durante lockdown ba Munisipio Dili.
Komandante Operasaun PNTL Munisipio Likisa Ricardo Moniz Pade imforma PNTL kopera hamutuk ho autoridade Lokal no KPK Suku Tibar hodi kontrola movimentu ilegal sira iha Tibar hodi evita hadaet moras covid -19.
“kordena ho Autoridade Lokal Liliu iha parte Tibar nian ,Xefi Suku Xefi Aldeia KPK sira halo aviza iha fatin neeba hodi asegura ema labele halo movimentu ilegal iha parte tibar .”
Komandante Operasaun nee esplika koperasaun ho Autoridade Lokal inklui komunidade sira nian diak tebes,tamba komunidade rasik hakarak evita Transmisaun lokal nee amenta ba bebeik.
“husi observasaun ami nian hare katak iha loron primeru sei iha movimentu ituan maibee ami koko defeza fatin neeba liu husi kordenasaun diak tebes ho autoridade lokal sira liuiu Xefi Suku, Xefi Aldeia ho KPK sira inklui komunidade sira iha tibar .”
Mesmu ke ho rekursu neebe limitadu maibee parte PNTL nafatin mantein ninia pozisaun hodi garante nafatin seguransa iha tibar.
Jornalista : Angela Santos
Editor : Leoneto Santos
