komisaun reguladora arte marsiais segunda feira horseik halo sosializasaun iha suco loidahar ho tema hametin unidade entre organizasaun arte marsiais no arte rituais hodi asegura seguransa,paz no estabilidade iha rai laran.
Presidente Kram Timor Leste Octavio da Conseição husu grupu arte Marsiais sira atu labele utiliza atributu arte Marsiais nia hodi partisipa kampaña .
“ Joven sira hotu ne’ebe involve iha arte marsiais no rituais iha diretu atu partisipa iha kampaña hodi hili ema ne’ebe sira fiar ,maibe’e labele utiliza atributu arte marsiais nian iha ne’eba.”
kram mos apela ba lideransa arte marsiais no rituais sira atu orienta sira nia menbru labele hamosu disturbiu publiku.
“ lider arte marsiais sira nia responsabilidade importante tebes atu kontrola sira nia menbru.”
iha fatin hanesan Xefe Suku Loidahar Domingos dos Santos hateten hare ba problema ne’ebe sempre mosu entre grupo arte marsiais no rituais , tamba ne’e Autoridade Suku hamutuk ho OPS kopera ho Kram atu fahe imformasaun ba grupo arte marsiais no rituais nunee bele garante estabilidade iha suku laran.
“ita bolu sira hodi prezensa iha hodi fo hanoin ba sira atu asegura estabilidade iha ita nia rai laran,”
Reprezentante Admistrador Posto Likisa Agustu Mosquita hateten atu asegura estabilidade hakmatek iha rai laran laos deit Polisia no Autoridade sira maibe’e seguransa iha ema hotu nia liman.
“ Estabilidade Likisa laos deit iha polisia ,laos autoridade sira,maibe estabilidade iha ita hotu nia liman.”
partisipa iha sosializasaun nee mai husi PNTL Munisipio Likisa,Autoridade Postu Administrativu Autoridade Suku no Aldeia,Komunidade no Grupo arte Marsiais PSHT ,IKS,KORK no Arte Rituais 77 no 55.
