Eskola basíka filial vatuvou suku vatuvou postu administrativu maubara munisípiu liquiçá laiha guarda eskola hodi asegura no kontrola ambiente eskola nian.
Director eskola basíka filial 1,2 vatuvou coutinho de araújo hateten, guarda eskola la iha animal no komunidade sira tama hodi estraga edifisio iha areadores eskola refere.
“ ami nia sikuriti eskola nian mos laiha ne mak difikuldade boot ba eskola ida ne’e, kada vez sai eskola nu’udar kordenador loke odamatan taka odamatan ida ne’e mak problema bot mai ami, kada vez ami la hasae bandeira, tamba ami mai tarde tan ne’e haluha tia tan la hatun tamba professor sira sibuk hotu hodi sai ba ona, ne’ebe bandeira iha hla mos la sai, ezemplu iha eskola ne’e animal tama, lutu diak maibe ita nia komunidade sira mak la komprende, husik animal tama mai estraga sasan ne’ebe iha eskola laran ne’e, kada vez eskola ne’e ita pinta kapas tia, ita nia maun alin balu ka husi liur ita lahatene mai hakerek tun sae eskola ne’e”.
Director da eskola ne’e mós husu ba inan mamn sira ne’ebé hela besik iha eskola refere atu koopera ho eskola nune’e tau matan no asegura hodi labele husik animal iha aredores eskola nian.
“ hau nia mesajem ba ba komunidade sira mak ne’e, eskola ne’e hanesan ita nian ita mak tau matan nafatin ba ne’e laos emaida nian, laos professor sira nian maibe nu’udar ita hotu-hotu nian eskola ida ne’e hanesan fatuk hun ninian tan ne’e husu ba komunidade sira ho relevante sira bele fo konsiderasaun ba malu no mos ba ita nia nai ulun sira hato’o ba nia populasaun sira katak eskola ida ne’e labele husik animal tama, ita mak bele tau matan atu nune’e ita nia oan sira bele aprende ho diak, ida ne’e maka hau nia meensajem ba hau nia komunidade no hau nia superior sira”.
Director eskola basíka filial 1,2 vatuvou husu ba komunidade hotu liu-liu ba inan aman sira ne’ebe hela besik iha ekola atu tau konsiensia ba eskola refere tamba ne’e sai hanesan matrimoniu estadu nian.
