Pdf Distribui Sertifikadu

Sentru Formasaun Program Development For The Future Realiza Serimonia Distribuisaun Sertifikadu Ba Estudante Lian Korea Etapa Dahuluk Iha Salaun Koni Suku Dato Munisípiu Liquiçá.

Koordenador Pdf Ferdiano Gusmão Imforma Formandu Sira Ne’ebé Remata Ona Kursu Lian Korea Iha Nivel Báziku Atu Keta Para Nafatin Kontinua Ba To’o Iha Teste Ops Topik Nian Iha Nasionál.

Direktora Sepfope Munisípiu Liquiçá Lucia Husu Ba Formandu Sira Ne’ebe Hetan Ona Sertifikadu No Iha Koñesementu Ba Lian Korea Nian Atu Prepara An Hodi Hein Naran Ne’ebé Sei Anunsia Sai Husi Sepfope Hodi Bele Ba Tuir Teste Iha Nasionál.

Tempo Hanesan Formandu Lian Korea Filipe Serrão Ximenes Agradese Ba Sentru Formasaun Pdf Tamba Bele Lansa Ona Filial Ida Iha Liquiçá Nune Bele Fasilita Sira Hodi Tuir Kursu To’o Sira Bele Finaliza Kursu Refere Ho Diak.

Sentru Formasaun Program Development For The Future Distribui Sertifikadu Ba Formandu Hamutuk Nain Lima Nulu Resin-Nen (56).