Quinta-Feira Ne’e Manorin Sira Husi Ensinu Sekúndariu No Ensinu Basiku Sentral Husu Ministeriu Edukasaun Atu Servisu Hamutuk Ho Asosiasaun Hak Liu-Liu Ba Iha Kurikulu, Oinsa Atu Bele Enkuadra Konteudu Istória Segunda Guerra Mundiál Nian Ba Kurikulu Nune’e Manorin Sira Bele Partilla Ba Estudante Sira.
Manorin Jaco De Jesus Pereira Husi Eskola Ensinu Basiku 123 Fatumasi Hato’o Rekomendasaun Hirak Ne’e Iha Workshop Ne’ebé Realiza Husi Hak Relasiona Ho Istória Segunda Guerra Mundiál Nian Kona-Ba Jugun Ianfu “Eskravidaun Seksual” Durante Okupasaun Militar Japonés Iha Timor-Leste Ba Manorin Nain Sira Iha Munisíipiu Liquiçá.
“ hakarak atu sujere i rekomenda ba iha ministeiru edukasaun karik bele tau hela inportansia mos ba iha istoria sira hanesan ne’e para se bele servisu hamutuk ho asosiasaun HAK ho sira seluk ne’ebe mak iha intrese atu haklean istoria timor nian bele servisu hamutuk para tau ba iha kurikulu ida para ita bele hanorin ba iha ita nia estudante sira atu nune’e sira mos bele hatene ita nia istoria rasik”.
Iha Okaziaun Hanesan Direktór Asosiasaun Hak Feliciano Da Costa Araujo Explika Asosiasaun Hak Iha Inisiativa Hodi Hahu Divulga Istória Ba Manorin Sira Tamba Manorin Sira Maka Sai Agente Transformador Ba Estudante No Sosiedade.
“ tamba ida ne’e maka asosiasaun HAK iha inisiativa ida katak ita hahu uluk husi manorin sira para sira bele hatutan ida ne’e ba iha sira ninia eskola liu-liu ba iha alunus sira no mos ba iha sira nia kolega professor sira seluk”.
Manorin Jaco De Jesus Pereira Afirma Imformasaun Ne’ebé Sira Hetan Sai Hanesan Refernsia Edukasaun Públiku Ba Jerasaun Foun Atu Labele Haluha Istória Eskravidaun Seksuál Militar Japonés No Mós Hanesan Meius Aprendizajen Atu Bele Prevene Kazu Hanesan Neé Repete Iha Futuru.
