Ministerio Turismu Komercio No Industria Munisipio Likisa Halo Ona Intervensaun Ba Folin Fos Iha Merkadu Munisipal No Postu Administrativu Sira Relasiona Ho Folin Fos Neebe Amenta Durante Estadu Implementa Serca Sanitario Iha Munisipio Dili.
Diretor Ministerio Turizmu Komercio No Industria Munsipio Likisa Salvador Serrao Dos Santos Segunda Feira 15/03/2021 Ne Iha Nia Knar Fatin Imforma Iha Intervensaun Mtci Ninian Identifika Loja Balun Manipula Folin Fos Tuir Sira Nia Hakarak.
“Primeiro Iha Merkadu Munisipio Ami Hetan Duni Iha Buat Balun Neebe Ke Lalos,Depois Ba Fali Iha Merkadu Postu Sira ,I Horbairuak Sabadu Hau Halo Intervensaun Ba Iha Merkadu Maubara,Ke Sira Husi Likisa Maka Lori Fos Ba Faan Iha Neeba Sira Faan 20 Dolar,Hau Hasai Sira Nia Foto Hau Haruka Kedas Ba Iha Aifaesa.”
Mtci Hasai Ona Sirkular Hodi Fahe Ba Loja Sira Iha Munisipio Likisa,Iha Sirkular Nee Bazeia Ba Dekretu Lei No 29/2011,20 De Jullho Kona Ba Presu Justu ,No Dekretu Lei No 4 2011 Kona Krimi Manipulasaun Sasan Folin.
“Tuir Buat Neebe Ami Asesu Sasan Folin Iha Dili La Sae Ka Normal ,Agora Manipulasaun Sasan Nia Folin Nee Iha Ita Nia Negosiante Sira,Tamba Nee Ami Hasai Ona Sirkular Ida,Iha Sirkular Nee Bazeia Ba Dekretu Lei No 29/2011,20 De Jullho Kona Ba Presu Justu ,No Dekretu Lei No 4 2011 Kona Krimi Manipulasaun Sasan Folin.”
Diretur Nee Husu Ba Negosiante Sira Atu Labele Manipula Sasan Folin Tuir Ida Idak Nia Gostu,Nia Parte Husu Ba Komprador Sira Atu Husu Nota Ba Loja Nain Sira Bainhira Sosa Sasan .
Jornalista : Leoneto Santos
Edito : Leoneto Santos
